E Konseho Sosial-Ekonómiko (SER)

E Konseho Sosial-Ekonómiko (SER), komo un órgano konsultativo di dunadónan di trabou, trahadónan i miembronan independiente, ke duna un kontribushon na e prosperidat sosial pa medio di konsenso mutuo riba tópikonan di interes riba tereno sosio-ekonómiko ku ta importante i relevante pa Kòrsou. Ademas, SER tin atenshon kompleto pa desaroyonan internashonal riba e terenonan akí.

Fuera di esei SER ta boga pa kalidat i sosten: ekspertisio haltu kombiná ku un konsenso i sosten unánime di partidonan den nos komunidat.

Tambe SER ta ofresé un plataforma pa diskutí problemátikanan aktual i relevante riba tereno sosio-ekonómiko.

 

 

 

 

Konsehonan resien emití

No posts found.

Publiká

Próksimo reto pa Kòrsou: tradusí IA i migrashon den mihó edukashon i trabou

Willemstad/Montevideo, 26 di mei 2026 — Den un region kaminda inteligensia artifisial (IA), migrashon i desigualdat ta tranformá mundu di trabou di un forma aselerá, Kòrsou ta pará dilanti di un pregunta di karakter urgente na nivel di maneho públiko, esta: kon pa garantisá ku hóbennan, muhénan i trahadónan no keda atras den e transformashon aki.

SER ta kontribuí na diálogo riba futuro di enseñansa i merkado laboral

Konseho Sosio-Ekonómiko (SER) di Kòrsou a keda representá na nivel tékniko riba djabièrnè 13 di mei último na e konferensia “Enseñansa i Merkado Laboral den Diálogo”. Durante e enkuentro aki, hóbennan, empleado, profeshonalnan di enseñansa i representante di diferente ministerio a hiba kòmbersashon riba e nesesidat pa mehorá e konekshon entre enseñansa i merkado laboral na Kòrsou.

Mishon di Inteligensia Artifisial na Silicon Valley ta duna SER konosementu práktiko pa fortalesé su trabou di konsehá i pa kontribuí na un Kòrsou mas prepará pa futuro

Willemstad, 18 di mei 2026 — Konseho Sosial-Ekonómiko (SER) a saka siñansa importante for dje mishon di inteligensia artifisial (IA) na Silicon Valley. E lèsnan akí ta importante tantu pa e trabou di konseho di SER, komo pa e debate mas amplio enkuanto futuro di trabou, enseñansa, abilidatnan impresarial i servisio públiko na Kòrsou.

SER ta mira e plan ku ta regardá shushi di plèstik den un kuadro mas amplio

Willemstad, 12 di mei 2026 – Konseho Sosial Ekonómiko (SER) a emití su konseho riba un proposishon di inisiativa di lei di frakshon MAN-PIN den Parlamento pa kambia e Ordenansa di Òrden Públiko. E proposishon ta trata limitashon di suministro i ofresimentu di produkto di plèstik desechabel, prinsipalmente durante eventonan públiko i ora ta fasilitá òf bende produktonan den espasionan públiko.

Repúblika Dominikana ta invita Kòrsou na debate regional riba peso di diálogo sosial

WILLEMSTAD, 13 di aprel 2026 —  Konseho Sosial Ekonómiko (SER) di Kòrsou dianan 10 i 11 di aprel último  a tuma parti na un tayer di dos dia, ku a tuma lugá na Santo Domingo i ku a ser organisá pa e Konseho Ekonómiko i Sosial di Repúblika Dominikana (CES) pa su konseheronan nobo, na hotel Crowne Plaza.

Mas informashon

Konseho Sosial-Ekonómiko

Ansinghstraat #17
Curacao
Tel: +5999 461 5406 / 5328
Email: info@ser.cw

 

Secret Link