Kiko SER ta hasi ?

E Konseho Sosial-Ekonómiko (SER) ta un entidat permanente di konsulta ku e tarea pa duna rekomendashonnan na gobièrnu i Parlamento riba ehekushon di proyektonan di e maneho sosio-ekonómiko, asuntonan di índole sosio-ekonómiko i riba regulashonnan legal di karakter sosio-ekonómiko.

E prinsipio di SER ta pa duna konseho usando un konsepto amplio di prosperidat, ku kua no solamente ta trata progreso material, sino tambe aspektonan di bienestar sosial i un bon kalidat di ambiente di bida, ku poko palabra, un desaroyo duradero di e sosiedat.

Ademas Ser ta hasi uzo di un kantidat di metanan ora ta duna konseho: un kresementu ekonómiko balansá ku mester kondusí den un desaroyo duradero un oumento di kupo di trabou pues un desaroyo balansá di empleo i i tambe i un partisipashon di empleado mas amplio posibel un balansa di pago bon balansá un repartishon di ingreso rasonabel / balansá.

Banda di e metanan ariba menshoná, e último añanan SER a tene kuenta tambe ora di duna konseho ku otro metanan manera entre otro: un estado finansiero públiko sano, un sistema sosial i di penshun duradero i kuido médiko pagabel i aksesibel.

Un di e funshonnan mas importante di SER ta pa krea sosten sosial pa e maneho sosio-ekonómiko, ekspresá den e rekomendashonnan di SER pa gobièrnu.

Esei por den forma tripartit ku representantenan di dunadónan di trabou, i di empleadonan i miembronan independiente, diskutiendo riba i intenshonnan ku gobièrnu tin, i dunando rekomendashonnan sea solisitá òf no. Vários organisashonnan sosial tambe ta haña oido serka SER; dependiendo di e tópiko di konsulta. SER ta invitá e organisashonnan akí pa nan aportá ku nan ekspertisio.

Pues konsehonan di SER por aportá na un konsenso sosial riba diferente tópikonan lokal riba tereno sosio-ekonómiko, kaminda e konsepto amplio di prosperidat ta e punto di prinsipio. Pa krea un sosten pa e ehekushon di e maneho, solidaridat i e boluntat pa koperashon ta di gran importansia.

Banda di duna konseho SER ta konsiderá tambe komo su tarea pa fungi komo un plataforma kaminda ta diskutí asuntonan sosio-ekonómiko, tin biaha komo parti di e trayektoria di konsulta, i tin biaha ku e propósito pa eksplorá i yega na puntonan di agènda.

SER ta ofresé partidonan sosial un plataforma, un foro, pa deliberá riba asuntonan ku ta toka doñonan di trabou i trahadónan. Ku e deliberashonnan akí por krea un klima kaminda partidonan por enfoká riba desaroyo sosial i ekonómiko duradero basá riba un vishon kompartí komun.

Brevemente resumí, SER ta hasi tur esfuerso pa logra un aporte i un sosten di kalidat  pa loke ta trata akuerdonan (konsenso) tokante asuntonan sosio-ekonómiko kaminda bienestar i sostenibilidat ta puntonan di salida prinispal.