Reunionnan di SER

SER konosé reunionnan preparatorio general i reunionnan plenario. Den un reunion preparatorio ta diskutí tur asuntonan di SER, manera petishon di konsulta, petishonnan ku ta den tratamentu, proposishonnan pa investigashon, i preguntanan sosio-ekonómiko. Den un reunion plenario ta deliberá riba petishonnan di konsulta ku ta riba agènda i rekomendashonnan ku mester wòrdu aprobá i ta tuma desishonnan importante riba asuntonan ku ta toka SER. En prinsipio SER  ta reuní kada e di tres djabièrnè di luna. Por programá reunionnan ekstraordinario si ta nesesario. Reunionnan plenario ta tuma lugá mayoría parti despues di un reunion preparatorio. SER su reunionnan ta será, ku eksepshon di e Sekretario General i e konseheronan di maneho di e Sekretariado. Den kaso ku e Konseho ta konsiderá kumbiniente pa risibí mas informashon òf opinion spesífiko riba un tópiko spesífiko òf riba un proposishon di lei spesífiko, ta invitá ekspertonan eksterno den e reunion pa duna mas splikashon riba e tópiko en kestion. Konsehonan mas kompleho ta tratá den komishonnan ku ta wòrdu instalá pa e propósito aki. Ta prepará e rekomendashonnan di e komishonnan pa despues trata i adoptá nan den un òf mas reunionnan di SER. E komishonnan ku ta prepará e rekomendashonnan, meskos ku e Konseho, generalmente, tin un karakter tripartit i ta konsistí di tres grupo: miembronan empresarial, miembronan di trahadó i ekspertonan independiente. Riba petishon di SER no- miembronan tambe por partisipá den un komishon (sea temporal òf no). Ta trata mayoria parti di ekspertonan riba un tereno spesífiko pa e konseho en kestion. E presidente di un komishon en prinsipio ta un miembro independiente.

Klek akí pa e roster di reunion 2022