SER di Kòrsou ta fiha rumbo pa “Prosperidat Amplio i Inklusivo”: Miembronan Di AICESIS enkuestá den un Plan di Ruta mundial.

Willemstad, Kòrsou-8 di febrüari 2024 – Ku un paso òudas pa realisá koperashon sosial i ekonómiko internashonal na nivel institushonal, Kòrsou, ku aktualmente ta enkargá ku presidensia di e Asosiashon Internashonal di Konsehonan Ekonómiko i Sosial i Instushonnan Similar (AICESIS), a lansa un inisiativa inovativo: e “Kuestionario di E Mapa Di Ruta di Kòrsou su Presidensia.” E enkuesta aki, dirigí na e institutonan miembro di AICESIS rònt mundu, ta trata di forma un ruta di koperashon pa ‘Prosperidat Amplio i Inklusivo’, un vishon ku ta prioritisá no solamente prosperidat ekonómiko sino tambe bienestar i igualdat sosial, pa generashonnan aktual y di futuro.

“SER di Kòrsou tin e honor di liderá AICESIS den e esfuerso krusial aki”, su presidente, Sr. John Jacobs, a deklará durante su anunsio di lansa di e kuestionario. “E konsepto di ‘Prosperidat Amplio i Inklusivo ‘ ta bai mas leu ku e medidanan ekonómiko tradishonal. E ta visualisá un futuro den kua progreso ta ser kompartí ku tur hende i den kua diferente stèm ta ser skuchá i reflehá den nos desishonnan kolektivo.”

E kuestionario detayadamente diseñá ta investigá e strategianan i metanan di kada institushon miembro, fomentando un komprondementu integral di nan enfokenan individual i kolektivo pa logra “Prosperidat Amplio i Inklusivo”. Strukturá rònt di prinsipionan klave di relevansia, koherensia y utilidat, e enkuesta ta primintí di kolektá informashon balioso ku lo forma e Mapa di Ruta di AICESIS pa e proksimo añanan.

E presidensia di Kòrsou, ku ta karga e tema “Prosperidat Amplio i Inklusivo”, a prepará un mapa di ruta stratégiko den kual ta deskribi su vishon y plannan di akshon. E kuestionario aki ta sirbi komo pilar di e inisiativa aki, invitando tur miembro di AICESIS pa partisipá aktivamente i trese nan perspektivanan úniko.

Trahando hunto, AICESIS ta aspirá pa marka un rumbo ku no solamente ta próspero sino tambe ekitativo, sostenibel y representativo di e diferente bosnan den nos komunidat global. E “Kuestionario di e Mapa di Ruta di Kòrsou su Presidensia” ta marka un paso signifikativo pa logra e meta kompartí aki.