KOMBERSASHON MESA RONDO TOKANTE  ‘FUTURE OF WORK’

WILLEMSTAD, 15 di mart 2019 – Den e sala di reunion di e Konseho Sosial Ekónomiko (SER) den Ansinghstraat a tuma lugá djaweps 14 di mart 2019 e seshon di mesa rondo tokante ‘Future of Work’, ku ta forma parti di ‘Road to Global Entrepeneur Summit 2019’ (GES 2019). SER a traha huntu ku e organisashon WeConnect riba esaki. E empresario prosedente di Kòrsou di FinTech, Adric Walter a tene den oranan di mainta un ’keynote speech’ tokante su vishon riba e impakto di e kambionan teknológiko riba trahadónan. El a suprayá e importansia pa riba un edat yòn siña pa bida largu pa keda duna un kontribushon sosial i ekonómiko na komunidat. Komo invitado spesial tabata presente: Minister Hensley Koeiman di Desaroyo Sosial, Labor i Bienestar (SOAW) i e Embahador di Merka na Ulanda Pete Hoekstra. E seshon a wòrdu fasilitá pa Tanja Fraai, un di e kofundadónan di e fundashon WeConnect.

Durante oranan di atardi SER tabata e anfitrion den e tayer pa public private partnership (PPP). Dionandrea Shorts i John Ashwood Heffern di Departamento di Estado di Merka (di Ministerio di Asuntonan Eksterior di Merka) a duna e presentashon ‘Boldline’, un programa kaminda ta realisá PPP mas lihé.

‘Klek akí pa e presentashon i e Spichnan‘