Selebrashon di Dia International di Kooperativonan ku e tema

KOOPERATIVONAN PA UN TRABOU DESENTE

Na 1992 den un Reunion General di Nashonnan Uní a proklamá, den e resolushon 47/90, e promé djasabra di yüli di kada aña e Dia Internashonal di Kooperativonan. Riba 6 di yüli 2019 MEO a selebrá e dia di Kooperativonan ku un seminario.

E tema “Coops 4 Decent Werk” a wòrdu skohé e aña akí pa Nashonnan Uní i e International Coöperative Alliance a base di desigualdat kresiente, oumento di empleonan insigur i un sifra haltu di desempleo, speshalmente bou di hóbennan.

E tema  # Coops Day 2019 ta mará na e Metanan di Desaoroyo Duradero (SDG) 8 “Inkluyendo desaroyo i trabou desente”. Komo kompanianan dirigí riba hende i agentenan klave di desaroyo, kooperativonan tin un papel importante pa kreá i mantené empleo desente den kada sosiedat. Pa asina empoderá hende tantu riba nivel sosial komo ekonómiko.

Riba djasabra 6 di yüli e minister pa Desaroyo Ekonómiko Kenneth Gijsbertha a hasi e apertura di e seminario kaminda tres oradó lokal i un internashonal a papiá. E tres oradónan lokal tabata sra. Peggy Isenia, presidente di FEKOSKAN, a papia tokante “E importansia di kooperativonan pa un trabou digno”, sr. Raul Henriquez, direktor di Konseho Sosial-Ekonómiko (SER) a papia tokante “Desaroyonan di trabou den mundo/Future of Work” i sr. Edward St. Jacobs, presidente di Sindikato Sentral Kòrsou (SKK), a papia tokante “E vishon di sindikato i di e Organisashon Internashonal di Labor (ILO) relashoná ku trabou digno.”

E oradó internashonal’, señor Andrés Alvarez Ovares komo direktor di e proyekto di e sentro, Centrum voor Coöperatieve Studies en Training (CENECOOP) a papia tokante: “Kon kooperativonan por prepará pa probechá di trabou di futuro i tambe pa logra trabou desente”. Na final di e seminario tabatin un diskushon ku un pènel kaminda tantu e oradónan komo e públiko por a interkambiá ideanan ku otro ku a bini dilanti den e diferente presentashonnan di e kuater oradónan.

Riba e potrèt di man robes pa drechi

Kenneth Valpoort (Sindikato), Minister Hensley Koeiman (Labor), Andrés Alvarez Ovares, Minister Kenneth Gijsbertha, Peggy Isenia, Raúl Henriquez.

Potrètnan i vidio ta disponibel riba e página di Facebook di MEO.
For English click here.
Para Español haz click aquí.