Relato Anual Konseho Sosial Ekonómiko 2017 entregá na Minister-presidènt

Minister-presidènt a risibí e promé ehemplar satisfaktorio for di man di e Presidente den funshon di SER, sr. J. Jacobs, den presensia di sr. R. Henriquez i algun konseheronan di maneho di SER i di e Kabinete di Minister-presidènt.
Minister-presidènt a mustra su apresio pa e trabounan diligente i e inovashonnan di SER ku a tuma lugá for di e di dos mitar di 2017. Minister-presidènt a enfatisá ku e konsehonan bon balansá ku SER ta emití, ta yuda ora di hiba un diskushon bon informá riba sierto tópikonan.
Tambe a elaborá riba tópikonan aktual ku den futuro serkano lo pidi SER pa konseho.
E relato anual ta raportá tokante e aktividatnan di SER pero tambe e aktividatnan den kuadro di e Centraal Georganiseerd Overleg in Ambtenarenzaken (CGOA) i por haña esaki riba e wèpsait di SER www.ser.cw.

Riba e portrètnan:
– Entrega di e relato anual 2017 na Minister-presidènt
– E delegashon di SER ku Minister-presidènt
– E delegashon di SER den kombersashon ku e Minister- presidènt