SER Sint Maarten ta reuní ku representantenan di SER Kòrsou

HARBOR VIEW- Riba djaluna 3 di aprel 2018 e Sektretario General (SG) di e Konseho Sosial Ekonómiko di Kòrsou, sr. Raul Henriquez M.A., a hasi un bishita di kortesia na e Konseho Sosial Ekonómiko (SER) di Sint Maarten.

SG Henriquez a reuní ku e presidente di SER di St. Maarten, sr. Ir. Damien Richardson, e SG di SER di Sint Maarten, sr. Gerard Richardson i e miembronan di personal di e sekretariado.

Tabata pa promé biaha for di inisio di SER di St.Maarten ku e SER di Kòrsou tabatin un reunión formal entre e Sekretarionan General. SG Henriquez a ekspresá su deseo pa fortifiká i mantené un bon relashon di trabou entre e SER-nan den Reino Ulandes, partikularmente ku e órganonan konsultativo den e parti karibense di  Reino. SG Richardson a gradisí su kolega pa su sostén kontinuo partikularmente despues  ku orkan Irma a pasa.

Durante un bishita di trabou di sr. Henriquez na Ulanda na septèmber 2017, SER di Ulanda a sostené e nesesidat pa un koperashon mas estrecho entre e SER-nan di Karibe i a indiká ku e ta kontinuá ku su kompromiso ku SER di Sint Maarten.

Ku e bishita di sr. Henriquez a dal e promé paso pa sigui fortifiká e relashon di trabou entre e Sekretariadonan di SER Kòrsou i di Sint Maarten.

E Sekretarionan general di SER di Kòrsou i SER di Sint Maarten a ekspresá e nesesidat:

• pa kohuntamente nan traha riba fortifikashon institushonal den nan ròl konsultativo ku nan ta ehersé;
• pa sigui i mehorá e relashon di trabou ku SER di Ulanda;
• pa promové mihó práktikanan, kolaborashon i interkambio di informashon pa siña di otro, i fortifiká otro.

Riba potrèt di man robes pa drechi.
Sekretarionan general, G. Richardson, R. Henriquez, Presidente D. Richardson.