Sekretariado SER na Ketenoverleg Wetgeving

WILLEMSTAD, 31 di òktober 2019 – Minister presidènt Eugene Rhuggenaath, ku ta tambe enkargá ku e kartera di Asuntonan General, a sinta na mesa djaluna 28 di òktober último pa promé biaha den e sala grandi di reunion di Konseho di Ministernan den Fort Amsterdam ku tur e aktornan involukrá den e proseso pa establesé lei i regulashon, entre nan e Sekretariado di Konseho Sosial Ekonómiko (SER). Ku esei e premier a duna e señal di apertura pa e promé reunion di e Ketenoverleg Wetgeving.

Na e reunion tabata presente aparte di e funshonarionan di e sekretariado di SER, e ámtenarnan di Departamentu di Wetgeving i Asuntonan Hurídiko (WJZ), e grifir di Parlamento, e Kabinete di Gobernador, Raad van Advies i e Sekretariado di Konseho di Minister.

E Ketenoverleg Wetgeving a wòrdu instalá  pa medio di artíkulo 4 di e Ordenansa di Establesimentu di e Plataforma Wetgeving en Ketenoverleg (P.B. 2018, no.20). Den e artíkulo akí ta stipulá ku e dos instansianan akí mester reuní minímo dos biaha pa aña pa bienestar di un mihó kalidat di lei i kontròl di e proseso.  Den e Ketenoverleg palabrashonnan importante a wòrdu hasí pa logra e metanan ei.

Ku señor Rhuggenaath a hasi e apertura di e promé reunion di e Ketenoverleg tin di haber ku e echo ku den su funshon komo Minister di Asuntonan General e ta enkargá ku prosesamentu di lei i regulashon i asuntonan hurídiko.

Riba potrèt: tur e aktornan ku tabata involukrá den e proseso di lei den deliberashon ku e premier.