Diálogo konstruktivo entre SER i ILO

Willemstad, novèmber 3, 2023 – Un reunion tékniko entre representantenan di konseho Sosio Ekonómiko (SER) i e organisashon di labor (ILO) pa Karibe (ILO) a tuma lugá djabièrnè mainta 27 di òktober. E reunion a tuma lugá na ofisina di SER na Ansinghstraat. Señor Raúl Henriquez, Direktor/Sekretario General di SER, demas konseheronan di SER, huntu ku señor Lars Johanson,  Deputy Director na ILO Caribbean, tabata presente pa e okashon aki. Señor Johanson ta “Deputy Director of the Decent Work Team and Country Office for the Caribbean”. Despues di un presentashon introduktorio di parti di SER, algun tema sentral tabata International Labor Standards, penshun, migrashon i oportunidat pa koperashon. E konsulta a haña forma di un plataforma pa interkambio di konosementu i a kulminá den un kompromiso pa profundisá i oumentá e relashon koperativo ku ya ta fruktífero i efektivo.