Sekretario-Generaal di NU ta hasi un yamada pa sosten direkto na e víktimanan di medidanan di lockdown

COVID-19 ta okashoná un krísis di kupo di trabou sin presedente, kasi tur trahadó i empresanan a wòrdu afektá dor di e medidanan di lockdown. E Sekretario-General di Nashonnan Uní a hasi un yamada pa duna sosten imediato na trahadónan di riesgo, empresarionan, kuponan di trabou i entradanan. Den e último Policy Brief tokante ‘the World of Work’ i COVID-19, redaktá pa e Organisashon Internashonal di Labor (ILO), ta elaborá mas riba esaki.

Den un notisia anterior SER a indiká ku ILO for di e momento di e brote di e pandemia a publiká regularmente un ‘Policy Brief’ ku temanan intresante ku tin di haber ku e mundo di trabou den e periodo di COVID-19 i awor e vishonnan di maneho akí  tambe lo wòrdu publiká riba e wèpsait di SER.