Puntonan resaltá durante Symposio di Migrashon 2019

Willemstad, 26 di ougùstùs 2019 – Durante su reunion preparatorio di djabièrnè 23 di ougùstùs 2019 e Konseho Sosial Ekonómiko (SER) a profundisá riba e puntonan resaltá di e Simposio di Migrashon 2019 ku a wòrdu organisá riba 9 i 10 di mei 2019 dor di SER Aruba, SER Kòrsou i SER St.Maarten.   E puntonan resaltá ta riba e wèpsait di SER (www.ser.cw), kaminda tambe por haña tur e presentashon di e oradónan, i tambe e resultado di e seshonnan. Ku e diferente puntonan di bista, konosementu i kontakto SER ke sigui konstruí riba e simposio dor di hasi un investigashon eksplorativo pa opservá e funshonamentu di un merkado laboral formal i informal, e papel ku e maneho di migrashon aktual tin den esakí i e sostenibilidat di e sistema sosial i ekonómiko riba término kòrtiku i mediano, mirando e embergadura i e naturalesa di posibel desaroyonan demográfiko i teknológiko. E eksplorashon lo kondusí den rekomendashonnan konkreto riba tereno di maneho di migrashon laboral relashoná ku maneho di merkado laboral, enseñansa i populashon.
Pa e presentashon di PowerPoint klek akí