Frakshon PAR ta duna splikashon na SER tokante e  proposishon di proyekto di lei  riba prohibishon  di intimidashon i intimidashon seksual

WILLEMSTAD, 15 di febrüari 2019 – Riba invitashon di e Konseho Sosial Ekonómiko (SER) e frakshon di PAR den Parlamento, a duna awe mainta den un reunion preparatorio di SER un splikashon tokante e proposishon di proyekto di lei tokante intimidashon i intimidashon seksual na boka di trabou ku nan a entregá resientemente na SER pa konseho.

E proposishon di proyekto di lei ta trata di un agregashon di un artíkulo den e Kódigo Civil 7A. Den e artíkulo akí ta eksigí di e  dunadó di trabou pa e sòru ku no ta intimidá trahadónan ni ta intimidá nan seksualmente na boka di trabou.

Durante e interkambio di pensamentu ku SER a elaborá bastante riba aspektonan manera relevansia, espektativa di efektividat, kon pa ehekutá i kon pa mantené e diseño di e proposishon.

SER lo bai profundisá próksimamente riba e proposishon di e proyekto di lei i ta bai duna un konseho riba esaki.

Riba e portrètnan: e miembronan di PAR sra. Gisette Seferina i sr. Rudy Eleonora i algun miembro di SER.