Komunikado

Frakson di PAR ta ofresé SER e inisiativa di proposishon di lei  intimidashon seksual pa un konseho

Willemstad, 4 di febrüari 2019 – E frakshon di PAR den Staten a entregá Konseho Sosial-Ekonómiko (SER) riba djabièrnè 1 di febrüari 2019, e inisiativa di proposishon di kambio den e lei di ordenansa, ku ta kontené kambio di e Kódiko Sivil, 7A, prohibishon di intimidashon òf tambe intimidashon seksual na trabou (aña di seshon di 2017-2018-117). Den un futuro serkano SER lo profundisá riba e tema akí i duna un opinion.
E miembro independiente suplente sra. mr.Kimberely de L’Isle a risibí e petishon na nòmber di SER. E presidente interino sr. John Jacobs tabata den eksterior.

Riba potrèt: Momentu di entrega di e petishon pa konseho di man robes bai man drechi: sr. Jeser El Ayoubi (PAR), sr. Curtley Obispo (PAR), sra. Gisette Seferina (PAR), sra. Karin Bosman di e empresa ‘About Workplace Harassment’, ku a yuda desaroyá e inisiativo di proposishon di kambio di lei, sra. Ana-Maria Pauletta (PAR), señora Kimberley de L’Isle (suplente Miembro-SER) i sr. Raul Henriquez (Sekretario General).

Share