Komunikado

Promé-ministernan di Aruba, Kòrsou i Sint Maarten ta aprobá e importansia di simposio di e SER-nan di e tres paisnan

WILLEMSTAD, 29 di òktober 2018 – Ku firmamentu di e protokòl di kolaborashon den área di migrashon (labor) i maneho di populashon na Philipsburg, Sint Maarten djasabra último 26 di òktober 2018, e promé ministernan di Aruba, Kòrsou i St.Maarten, respektivamente Evelyna Wever-Croes, Eugene Rhuggenaath i Leona Romeo-Marlin a duna nan aprobashon di e initiativa di e Konsehonan Sosial Ekonómiko di e tres paisnan pa organisá un simposio tokante e tema den 2019.

Meta di e protokòl ta pa kaminda mester i ta deseá pa traha huntu den desaroyá un maneho stratégiko ku por aportá supstansialmente na fleksibilisá Aruba, Kòrsou i Sint Maarten komo estado chikí, Small Island Development States (SIDS), ku pa motibu di nan eskala chikitu i ekonomia habrí ta èkstra vulnerabel pa desaroyonan ku ta pasa pafó di nan fronteranan. E desaroyo kohunto di un maneho di strategia ta enfoká entre otro riba e pregunta kon por benefisiá efektivamente di e posibilidatnan i bentahanan ku migrashon, i spesialmente migrashon di labor ta trese  kune i kon por atendé esaki riba un manera mas efektivo.

Segun e SER-nan e maneho kohunto- mester ta basá riba ‘lessons learned i ‘best practices’ – mester ta enfoká riba e bentahanan ku migrashon di labor por tin. Tur esakinan mester ta dirigí riba un desaroyo sosial-ekonómiko duradero di e paisnan. Ku bista riba e puntonan di salida akí lo duna mas kontenido na e simposio ku lo wòrdu organisá den 2019.

Klek akí pa e teksto kompleto di e protokòl firmá.

Share