Komunikado

Konseho di Estado di Reino pa Kòrsou Paul Comenencia ta bishitá Konseho Sosial Ekonómiko di Kòrsou

WILLEMSTAD, 16 di òktober 2018 – Señor P.R.J. (Paul) Comenencia, kende riba 19 di ougùstùs 2018 a hura komo konseho di estado pa Reino pa Kòrsou serka e Konseho di Estado na Ulanda, a hasi un bishita di kortesia djabièrnè 12 di òktober 2019 na e Konseho Sosial Ekonómiko (SER) di Kòrsou. El a wòrdu risibí pa e Presidente den funshon di SER sr. John Jacobs i e Sekretario General sr. Raul Henriquez.
Meta di e bishita tabata pa sera konosí mihó ku e Konseho Sosial Ekonómiko i su tareanan. Durante e bishita a interkambiá di pensamentu riba e situashon sosial-ekonómiko aktual di e isla, kaminda a para ketu un ratu riba e temanan ku na e momentonan akí ta prioridat riba e agènda manera stimulashon di klima di invershon, e funshon logístiko di Kòrsou, e futuro di aktividatnan di refineria, finansas di gobièrno i e konsekuensianan sosialekonómiko di un merkado di labor ku ta kambiando komo konsekuensia di digitalisashon i robotisashon.

Share