Komunikado

Deklará i ofresé konseho relashoná ku Invershon di Krédito Fiskal i Raad voor Onderwijs en Arbeidsmarkt

Den e reunion plenario di SER di 10 di ougùstùs 2018 a aprobá dos konseho: un ta relashoná ku krédito fiskal ku enfoke riba invershonnan grandi i un pa krea un Raad voor Onderwijs en Arbeidsmarkt.

Riba petishon di Konseho di Minister a publiká e konseho relashoná ku e konsepto di lei, kual ta kontené medidanan general, pa implementá artíkulo 1, insiso shete, di e Ordenansa  Belastingfaciliteiten Investeringen.

Riba petishon di Parlamento a emití e konseho relashoná ku e proyekto inisial di lei  pa lanta un kolegio di konsulta riba tereno di enseñansa i merkado laboral. E solisitantenan ku a entregá e petishon pa e proyekto di lei inisial konserní ta miembronan di e frakshon di PAR den Parlamento.

A entregá ámbos konseho dia 15 di ougùstùs 2018 na e respektivo  minister di Asuntonan General i Presidente di Parlamento.

Konsehonan di SER no ta direktamente públiko. Ta publiká e konsehonan ora gobièrno entregá e proposishon di lei na Parlamento i/òf ora Parlamento mes pone e konseho riba nan wèpsait. Esaki ta tuma lugá ora ku pone e proposishon di lei riba agènda pa tratamentu.

Share