Komunikado
A informá Konseho di Minister mas den detaye tokante e Nota inisial ‘Future of Work’
WILLEMSTAD, 30 di ougùstùs 2018 – Riba petishon di Minister Hensley Koeiman di Desaroyo Sosial, Labor i Bienestar (SOAW) un delegashon di SER i di e ministerio di Desaroyo Sosial, Labor i Bienestar (SOAW), sostené pa representantenan di gruponan sosial relevante (bou di kua e movimento sindikal, siensia i prensa), djárason 30 di ougùstùs 2018, a duna Konseho di Minister splikashon tokante e nota inisial Future of Work. Riba 22 di yüni a entregá e nota ofisialmente na minister Koeiman i ta resultado di vários seshonnan di trabou ku SER a organisá den kolaborashon ku e sektor di Asuntonan di Labor di e ministerio di SOAW. Na e seshonnan di trabou a partisipá diferente sektor di den komunidat, entre otro NGO-nan, e sektor públiko, empresarionan, prensa, sindikalismo, siensia i tambe‘young professionals’. E nota inisial ta indiká kon Kòrsou por duna kontenido na e tema ‘Future of Work’. E tema akí ta sentral durante e selebrashon di shen aña di eksistensia di e Organisashon Internashonal di Labor (ILO), ku lo tuma lugá otro aña, na Ginebra, Suisa.
![28082018-FUTURE-OF-WORK-aangepaste-versie](https://b2825881.smushcdn.com/2825881/wp-content/uploads/sites/280/2018/08/28082018-FUTURE-OF-WORK-aangepaste-versie.jpg?lossy=1&strip=1&webp=1)