Konseheronan di SER/ROA/GOA ta partisipá na masterclass di Ambtenarenrecht & Moot Court Ambtenarenzaak

Willemstad, 31 di mei di 2019 – Dos konsehero hurídiko supremo ku ta traha na  Bureau Secretariaatvoering SER/ROA/ GOA, a partisipá djárason 29 di mei 2019 na e masterclass Ambtenarenrecht & Moot Court Ambtenarenzaak. E kurso akí a wòrdu organisá dor di e Ministerio di Maneho di Gobernashon, Planifikashon i Servisio Públiko (BPD). Huntu ku demas kolega di vários ministerio, e dos konseheronan por a amplia nan konosementu riba tereno di derecho di ámtenar. E dos konseheronan sra. Miloushka Sboui-Racamay i Sharlyn Curial-Villáreal den nan trabou diario tin di haber ku aspektonan di maneho relashoná ku asuntunan hurídiko di ámtenar. E kurso a wòrdu fasilitá dor di prof. mr. Lodewijk Rogier, dosente na Universidat di Kòrsou (UoC) i mr. Jeff Sybesma, hues di Konseho di Profeshon den Asuntonan di Ámtenar.  Ambos a para ketu riba e tópiko manera entre otro e posishon di e ámtenar, e posishon hurídiko di e ámtenar, medida disiplinario i protekshon legal.

Mr. Keursley Concincion tambe a duna su kontribushon na e dia, el a kompartí su eksperensia komo defensor di pueblo relashoná ku derechi di ámtenar. Despues el a duna mas splikashon riba e konsepto ‘bon ámtenar’. Tambe e presidente di Konseho di Apelashon den Asuntonan di Ámtenar, mr. Derek Haan tabata presente pa kompartí su konosementu ku e públiko presente i pa tra’i mèrdia a guia un korte bibu di Moot Court (den práktika).

Klek akí pa e presentashonnan di e kabayeronan Rogier i Sybesma.

Riba e potrèt (di man robes pa drechi): Mr. Derek Haan, sra. mr. Miloushka Sboui-Ramacay, prof. mr. Lodewijk Rogier, sra. mr. Sharlyn Curial-Villarreal i mr. Jeff Sybesma.