SER-Kòrsou ta rekordá un seminario exitoso na Côte d’Ivoire komo presidente di AICESIS

Willemstad, 4 di yüli 2024 – Den un reunion hibrido di e konseho di atministrashon di e Asosashon Internashonal di Konseho Ekonomiko i Sosial i Instansia Komparabel (AICESIS), SER-Kòrsou, komo presidente di AICESIS, a dirigi un tayer internashonal na Abidjan, Côte d’Ivoire dia 30 i 31 di mei pasá. E tema: “E rol di dialògo sosial i su instansianan den e lucha kontra e desigualdatnan den e mundo di trabou”. Mas ku mitar di e 70 miembronan di AICESIS di tur parti di mundu a partisipá, tanto físiko komo virtualmente. Esaki a marka un best practice importante inisiá pa SER di Kòrsou i a kontinuá riba un konferensia konhunto previo di AICESIS i e Organisashon Internashonal di Trabou (ILO) na Novèmber 2023 na Atenas, Gresia. Durante e tayer, ILO a presentá “E stratégia di ILO pa kombatí e desigualdat i konekshonan ku Deklarashon di Atenas”, ku a sigui e konferensia anteriormente menshoná den kapital Griego. Esaki a duna e miembronan di AICESIS e oportunidat pa indiká kon ILO por apoyanan den nan lucha kontra desigualdat. Partisipantenan di Latino Amerika i Karibe, Europa, Afrika, Asia, Eurasia i Medio Oriente a partisipá aktivamente pa kompartí nan eksperensia i inisiativanan. E programa kompletu i e presentashonan ta disponibel online.