Presentashon na Konseho di Ministernan riba ròl internashonal di SER

Willemstad, 8 di febrüari 2023 – Komo parti di e preparashonnan pa asumí presidensia di e Asosiashon Internashonal di Konsehonan Ekonómiko i Institushonnan Similar (AICESIS) na fin di òktober di e aña aki, awe mainta a tuma lugá un presentashon na Konseho di Ministernan. E presentashon a konsentrá su mes prinsipalmente riba e importansia, balor agregá i posibel spin-off di e presidensia di e asosiashon mundial pa Kòrsou. E presentashon a ser risibí dor di miembronan di Gabinete-Pisas ku interes i aprobashon.