Presidente di Parlamento ta sera konosí ku SER

Willemstad, 22 di òktober 2021 – Presidente di Parlamento señora Charetti America-Francisca (MFK) a hasi awe mainta un bishita di kortesia na Konseho Sosial Ekonómiko (SER) kaminda e la haña un splikashon riba e trabou di e órgano di konseho i konsulta tripartit aki. Durante e enkuentro ku e presidente den funshon i algun miembro di e konseho, a elaborá riba e ròl di SER den konsehá riba proyektonan di inisiativa di lei, prosedente di parlamento. Riba e foto, di robes pa drechi: direktor i sekretario general di SER sr. R. Henriquez, presidente di SER den funshon sr. J. Jacobs, presidente di parlamento sra. C. America-Francisca i griffier di parlamento sr. Silvin Cijntje