Reunion di SER i Promé Minister tokante Simposio Migrashon  di 9 – 10 / mei / 2019

Riba dos di aprel, tabatin un reunion tokante e Simposio riba Migrashon ku lo bai tuma lugá próksimamente entre Promé Minister di Kòrsou, honorabel Eugène Rhuggenaath, i e delegashon di e Konseho Sosial-Ekonómiko (SER) di Kòrsou.

Meta di reunion tabata pa informá e Promé Minister riba progreso di e organisashon i e kontenido di e simposio, i pa diskutí partisipashon i finasiamentu.

Aña pasa, e Promé Minister a aserká SER Kòrsou pa duna asistensia riba e problemátiko di maneho di populashon i migrashon. For di e tempu ei hopi progreso a tuma lugá, manera entre otro resultando den e koperashon entre e SER di Kòrsou, SER Aruba i SER Sint Maarten pa organisá un simposio di dos dia riba e tema migrashon di trabou.

E tres paisnan ta konfrontando den sierto grado mas òf ménos ku e mesun problemanan den e área di maneho di populashon i desaroyo sosial-ekonómiko. E retonan entre otro- un stagnamentu di ekonomia alargá, oumento di kantidat di hende ku edat avansá, brain drain, un sistema di bienestar sosial ku ta bou di preshon, un merkado laboral desigual, e krísis sosio-ekonómiko na Venezuela i e problema di migrantenan iregular en general. E paisnan por sostené otro den e área pa desaroyá strategianan pa maneho di migrashon, basá riba nan eksperensianan i mihó práktikanan di Reino, di region i otro parti.

Òktober 26, 2019, e Promé Minister di Sint Maarten, Aruba i Kòrsou a firma un protokòl, ku ta deklará ku e tres paisnan lo kolaborá den e desaroyo di un maneho stratégiko, i asina  eksplorá e oportunidatnan i benefisionan di migrashon, partikularmente migrashon di labor den e konteksto di un desaroyo sosioekonómiko duradero pa e tres paisnan, i ku nan ta sostené e inisiativa di e Konseho Sosial Ekonómiko di e tres paisnan pa organisá un simp eksplorá osio riba e tema akí.

E meta di e simposio ta pa huntu ku e stakeholdernan eksaminá opshonnan di maneho relashoná ku e pregunta’kon pa optimalisá e benefisionan i minimalisá e gastunan di labor di migrashon relashoná ku desaroyo sosioekonómiko di e tres paisnan?’ Durante e simposio e siguiente tópikonan lo wòrdu atendé:

1. Oportunidatnan i retonan di migrashon (Maneho:) mitonana i malkomprendimentunan; kontraversionan, e paradoksia liberal; kambiando
2. Migrashon i desaroyo duradero (global i regional) resultadonan basá riba echos relashoná ku migrashon i desaroyo sosio-ekonómiko duradero. Kon pa optimalisá e benefisionan i minimalisá e gastunan?
3. (Global) Tendesianan den maneho di labor di migrashon i maneho di refugiado: lèsnan ku a siña riba efektividat di maneho i mihó práktikanan.
4. E Perspektiva karibense riba maneho di migrashon efektivo. Kon nos por manehá migrashon mihó pa mehorá e desaroyo sosio-ekonómiko?

Pa mas informashon riba e simposio – programa, oradónan i aserkamentu –esaki lo ta disponibel pronto riba e wèpsait di SER Kòrsou.

E simposio ta pa invitadónan solamente.

Riba potrèt:

Promé Minister honorabel Eugène Rhuggenaath, e Sekretario General di SER Kòrsou, Raul Henriquez, i konseho mayó Sonja Boersma i Barbara Perquin.

Pa e teksto di e protokòl klek akí.