Komunikado
Minikonferensia ’Futuro di trabou’
WILLEMSTAD, 2 di aprel 2019 – Bayendo pa e di 108 seshon plenario di e Organisashon Internashonal di Labor ILO, ku lo tuma lugá di 10 te ku 21 di yüni 2019 na Ginebra, Suisia, i ku lo ta dediká na e selebrashon di shen aña di aniversario di ILO, a tene un minikonferensia riba 11 di mei 2019 den e sala di konferensia di e Ministerio di Gobernashon Planifikashon i Servisio Públiko (BPD) na World Trade Center (WTC). E minikonferensia lo konsentrá rondó di e tema Futuro di Trabou.
E tema Futuro di Trabou (Future of work) a wòrdu skohí komo tema prinsipal na benefisio di e inisiativa sentenario di ILO. E inisiadónan di e minikonferensia tabata e Ministerio di Desaroyo Sosial, Labor i Bienestar (SOAW) i e Konseho Sosial-Ekonómiko (SER).
E seshonnan plenario organisá dor di SOAW i SER, den kual gruponan di sosiedat importante a partisipá i ku a interkambiá ideanan riba tendensianan i desaroyonan mundial ku tin influensha riba trabou (desaroyonan teknológiko, tendensianan demográfiko, kambio di klima), a bini entre otro dilanti ku pa Kòrsou partikularmente “disruptive technology” (e-commerce i e-banking) tin hopi influensia riba merkado laboral.
Entretantu, hopi empresa a disparsé of tine difísil i otro nobo ta lanta. Hopi hende ta buskando trabou i hóbennan ta prepará pa un merkado di labor insigur.
Durante e minikonferensia lo repasá e konklushonnan i resultadonan di un seshon previo i pa despues elaborá riba esakinan den pènelnan. E pènelnan ta konsistí di representantenan di sindikato, representantenan empresarial, spesialistanan di rekurso humano i ekonomistanan.
Pa mas informashon bo por tuma kontakto ku: sra. mr. M. Sboui-Racamay, miloushka.sboui-racamy@ser.cw
E aña akí ILO (Organisashon Internashonal di Labor) ta selebrá su 100 aña di aniversario. Pa engrandesé e fiesta, e órgano internashonal di sindikatonan, doñonan di trabou i gobièrno a pidi un komishon independiente pa duna un rekomendashon riba futuro di trabou.
Traha pa un futuro briante
El a bira un konseho masha bon lesá ku e famoso título Work for a brighter future. E rapòrt ta diskribí e retonan enorme di e mundo di labor ku ta kambiando i a konkluí ku dies rekomendashon bon kla. E rapòrt ta testigu di un dosis saludabel di realismo i a tuma komo punto di salida e merkado laboral dinámiko ku un diversidat kresiente relashoná ku trabou. No ta pa bring’é, pero mas bien pa manehá nan. Ta ku e punto di bista akí riba trabou ILO, mas ku klaru a yega na e rekomendashon pa garantisá un protekshon sosial mínimo, akseso na siguridat sosial i derechinan sosial aseptabel sin importá e forma di kontrakto.
Trabou sigurá
E rapòrt a konkluí tambe ku trahadónan mester wòrdu sostené mas individualmente pa medio di maneho i institushonnan den nan transishon riba merkado laboral. Un derecho universal permanente pa tur trahadó ta parti di e proceso akí. E idea pa kombertí e reglamentu di desempleo den ‘trabou segurá’ aktivo, aksesibel pa tur trahadó ta refreskante. E ta parse un idea ku AWVN a yega di defendé anteriormente.
Por último, e rapòrt ta defendé e revitalisahon di e kontrakto sosial komo un medio di kompromiso pa kambio i sosten. Ta hasi un yamada urgente na e stakeholder’nan nashonal pa manehá e futuro di trabou bon pa medio di diálogo sosial.
Pa e teksto integral di e rapòrt klek akí:
https://www.ilo.org/wcmsp5/groups/public/—dgreports/—cabinet/documents/publication/wcms_662410.pdf
