Komunikado
Grupo di trabou Futuro di AICESIS
Bruséla, 8 di yanüari 2019 – Den preparashon pa e reunion di direktiva anual di e Asosiashon Internashonal di Konsehonan Sosial i Ekonómiko i Institutonan Similar (AICESIS) ku lo bai tuma lugá 7 di mart 2019 na Willemstad, Kòrsou, un delegashon tékniko di e Konseho Sosial Ekonómiko (SER) di Kòrsou a partisipá 8 di yanüari 2019 na un reunion di e grupo di trabou tokante e futuro di AICESIS. Kòrsou ta miembro di e direktiva di AICESIS i tambe miembro di e grupo di trabou ariba menshoná ku a risibí e enkargo di e direktiva di AICESIS i asamblea general pa traha un dokumentu tokante e futuro di e asosiashon internashonal di e konsehonan sosial ekonómiko. E dokumentu lo sirbi komo base pa mas diskushon i pa determiná un punto di bista durante e próksimo reunion di direktiva.
E reunion i direketiva a tuma lugá den e ofisina prinsipal di AICESIS na Bruséla, Bélgika.
Riba e segundo potrèt e partisipantenan na e reunion di grupo di trabou, di man robes bai drechi: señor Michaël Christophe (SER di Fransia), señora Carole Couvert (SER di Fransia), señora Miloushka Sboui-Racamy (SER Kòrsou), señor Raul Henriquez (SER di Kòrsou), señor Juan Moscoso del Prado Hérnandez (SER di Spaña), señor Paul Windey (Nationale Arbeidsraad België), señor Apostolos Xyraphis (SER Gresia) i señora Oakyi Son (SER di Sur Korea).
![20190110_123154](https://b2825881.smushcdn.com/2825881/wp-content/uploads/sites/280/2019/01/20190110_123154.jpg?lossy=1&strip=1&webp=1)
![](https://b2825881.smushcdn.com/2825881/wp-content/uploads/sites/280/2019/01/20190110_133745_a.jpg?lossy=1&strip=1&webp=1)