Konseho SER tokante instalashon Kolegio di konseho pa Futuro di Trabou i Enseñansa

Mirando e embergadura i kompleksidat di e retonan di Future of Work, segun SER tin nesesidat pa funda un kolegio di konsulta di eksperto independiente basá riba e artíkulo 72 di e Staatsregeling di Kòrsou. E kolegio di konsulta ta duna konseho riba nivel stratégiko na e legisladó (Gobièrno i Parlamento)- sea riba petishon òf no solisitá- tokante puntonan prinsipal di e maneho riba tereno di enseñansa i merkado laboral i ta esun ku ta duna direkshon riba término mediano i largu. E kolegio di konsulta stratégiko tin un funshon ku ta señalá, ta ‘mediador’ entre e mundu sientífiko i práktika di maneho i ta traha opshonnan di maneho nobo ku por distansiá mas for di opinion polítiko/maneho komun. E kolegio di konsulta ta analisá tendensianan di demanda pa trabou riba merkado laboral lokal  i internashonal i  tendensianan den enseñansa i ta tradusí e tendensianan akí den konsehonan tokante maneho di enseñansa i merkado di labor.

Konsulta enkuanto maneho di enseñansa ta enserá tur fase i nivel di enseñansa, dirgí riba desaroyá kompetensianan pa un futuro merkado laboral i strukturashon di enseñansa pa asina’ki e por konektá mas mihó posibel. E kolegio di konsulta ta mantené kontakto ku komersio,  direktiva di institutonan di enseñansa, gobièrno i sosiedat sivil.

Klaro ku e kolegio di konsulta ta keda tambe den kontakto ku e ROA-SBO, ku ta enkargá entre otro ku e parti di ehekushon tokante e konekshon di enseñansa sekundario i merkado laboral. P’esei SER ta proponé pa no yama e kolegio di konsulta Raad voor Onderwijs en Arbeidsmarkt, pero Kolegio di konsulta pa Futuro di Trabou i Enseñansa (TWE).

Pa un elaborashon mas amplio mira Advies inzake de initiatiefontwerplandsverordening regelende de instelling, inrichting, samenstelling en bevoegdheden van een Raad voor Onderwijs en Arbeidsmarkt Curaçao