Komishon organisatorio tokante “Future of Work” serka e Minister di SOAW

Djabièrnè último, 13 di yüli di 2018, un representante di e komishon organisatorio di e seshon di trabou di Kòrsou relashoná ku e tema “Future of Work”, e tema ku e Organisashon Internashonal di Labor  (ILO) a skohe pa su selebrashon di 100 aña di eksistensia, tabata serka e Minister di Desaroyo Sosial i Labor, sr. H. Koeiman. Sr. R. Henriquez Direktor/Sekretario General di e ofisina di e Sekretariado di SER tabata presente, kompañá pa sra. M. Sboui-Racamy, Konsehero prinsipal na e mesun ofisina i tambe sr. R. Karman di Kamará di Komersio. Di parti di e Ministerio di SOAW tabata sra. D. Philbert-Nieveld, Sektor-Direktor di Labor i Kolaborador di Kabinete di e Minister, sr. J. Bax. Tópiko di e kombersashon tabata kua ta e siguiente pasonan ku por tuma pa mantené e tema interesante pero partikularmente kon pa krea konsientisashon serka e públiko en general, prinsipalmente bou di e siudadanonan.