Buki nobo di konsehero di SER ta trata migrashon intra-Karibense i sintido di pertenensia
Dia 29 di òktober 2026, e di dos buki di konsehero di SER, Dra. Sabrina Dinmohamed, a sali serka Emerald Publishing: Making Home in the Euro-Caribbean.
Intra-regional Migration from the Dominican Republic to Curaçao.
E buki ta ofresé un bista riba migrashon intra-Karibense basá riba mas di binti aña di investigashon tokante e komunidat Dominikano na Kòrsou. For di e perspektiva di migrantenan, Dinmohamed ta ilustrá kon nan ta konstruí un bida, kon nan ta sinti nan mes na kas i kon e sosiedat ku ta risibí nan ta influenshá nan eksperensianan i nan posishon.
Di e manera aki, e buki ta trese klaridat riba preguntanan mas amplio tokante migrashon den e region. E investigashon ta toka temanan sentral den trabou di SER, manera migrashon laboral, siguridat di eksistensia, koheshon sosial i prosperidat amplio. E ta mustra ku éksito di migrashon ta bai mas leu ku entrada so: dignidat, relashonnan sosial i e sintimentu di pertenesé tambe ta importante.
