Willemstad, 8 di novèmber 2024 – Djárason,  6 di novèmber, Konseho Sosial Ekonómiko (SER) a presentá un konseho na Minister di Salú, Medioambiente i Naturalesa (GMN). E reporte ta konsentrá riba e proposishon pa revisá e lista di diagnóstiko di laboratorio ku ta regardá seguro básiko i tin komo meta mehorá e efisiensia i efektividat di diagnóstiko di laboratorio.

Un elemento klave den e dekreto nashonal proponé ta e introdukshon di un asina yamá “lista positivo,” ku ta inkluí tèstnan diagnóstiko i prosedimentunan di laboratorio ku ta aktualisá i basá riba e último desaroyonan sientífiko teknológiko. E lista positivo proponé a ser desaroyá den kolaborashon estrecho ku laboratorionan médiko lokal i ta basá riba e desaroyonan mas resién, manera ta reflehá riba e lista di Outoridat di kuido Hulandes (Zorgautoriteit).

SER ta spera ku su rekomendashonnan lo kontribuí na un sistema di kuido médiko sostenibel , kaminda diagnóstiko di laboratorio médiko di kalidat haltu lo kontribuí na nivel general i tin un papel importante den e kalidat i aksesibilidat di kuido pa pashèntnan.