Komunikado

SER ta anfitrion na e seshon di Mesa Rondo durante e kumbre Future of Work, Part of Road to Global Entrepreneur Summit 2019

Willemstad, 12 di mart, 2019 – Riba djaweps, 14 di mart, 2019, E Konseho Sosial-Ekonómiko (SER) lo ta anfitrion den estrecho koperashon ku WeConnect na e seshon interaktivo di mesa rondo riba e tópiko ‘Futuro di Trabou’ ku ta un di e temanan di e kumbre ‘Road to Global Entrepreneur Summit 2019’, ku lo tuma lugá na e ofisina di SER na Ansinghstraat 17 for di 10:30 -13:00, almuerso ta inkluí. Durante e seshon Sr. Adric Walter lo ta e oradó prinsipal (Master Mind).

Atardi, SER tambe lo ta e anfitrion na e tayer ku e tema, Workshop on Public Private Partnerships. Dionandrea Shorts i John Ashwood Heffern di U.S. Department of State lo presentá Boldline, un program pa aselerá e asosiashon públiko i privá. Boldline ta un programa ku hopi biaha ta buska pa eliminá liña kibrá (òf espasio) entre sektornan i pa kultivá sosionan públiko –privá, kreando un liña diki.

E programa di seshonnan riba 14 di mart 2019, ta na SER.