Komunikado
Wèpsait SER ganadó di e Kuki-award 2018
WILLEMSTAD, 25 di yanüari 2019 – Durante e brindis di fin di aña di e diseñadó Kuki+Ko ku a tuma lugá djaweps 24 di yanüari último, a entregá e premio Kuki-award 2018 na e wèpsait di e Konseho Sosial Ekonómiko (SER). For di 2006 Kuki+Ko ta otorgá e premio akí tur aña na wèpsaitnan ku a ser entregá den e aña ku a pasa i ku ta esun mas aktualisá. E aña aki e premio tabata un lampi di kalbas traha na man.
Riba e potrèt: E tim di SER ku a risibí e premio ku hopi orguyo. Kompletamente na man drechi: sra. Rianne Hellings di Kuki+Ko.
![](https://b2825881.smushcdn.com/2825881/wp-content/uploads/sites/280/2019/01/830e9158-fff1-4701-823c-5dca087fc3de.jpg?lossy=1&strip=1&webp=1)