SER ta emití konseho riba e inisiativa di lei pa kambia sistema di impuesto riba propiedat inmueble

Willemstad, 15 di yüli 2025 — Konseho Sosial Ekonómiko (SER) a emití un konseho ofisial djabièrnè 11 di yüli último riba un proyekto di inisiativa di lei pa kambia lei ku ta regardá impuesto riba propiedat inmueble (Landsverordening onroerendezaakbelasting 2014). E proposishon legislativo aki ta un petishon ofisial di  Parlamento di Kòrsou, pa ta mas esakto di parti dje frakshon di MAN, ku na su turno a hasi uzo di e derecho di inisiativa, manera stipulá den artíkulo 77 di Areglo di Estado di Kòrsou (A.B. 2010, no. 86). E artíkulo aki ta duna miembronan di Parlamento e posibilidat pa proponé leinan i presentá esakinan na Gobièrnu.

E proyekto di inisiativa di lei ta proponé un reforma struktural den e sistema aktual di impuesto riba propiedat inmueble (OZB), ku entre otro, ta inkluí kambio den struktura di tarifanan, òumento di límite di eksonerashon i simplifikashon di e trámitenan atministrativo pa kobra e impuesto OZB.

Manera ta kustumber, Parlamento lo tuma e konseho di SER den konsiderashon durante su deliberashonnan tokante e proyekto di inisiativa di lei aki.