Persbericht

SER tin un vishon i un kara nobo

Willemstad, 23 februari 2018

Konseho Sosial Ekonómiko di Kòrsou a inougurá ofisialmente su sala di reunion renová den un ambiente festivo dia 23 di febrüari último. Durante di e evento akí, SER a lansa su website i logo nobo tambe. E selebrashon ta den lus di e tema “The Future of Work”, ku e organisashon internashonal di labor, (ILO) a skohe komo tema di su selebrashon di su 100 aña di eksistensia na yüni 2019. E selebrashon aki a para ketu na hubentut pa motibu ku nan mester ta bon prepará pa futuro di desaroyonan laboral.

Minister di Asuntunan General interino i alabes minister di OWCS sra. M. Alcala-Wallé a representá sr. Eugene Rhuggenaath, ku ta den eksterior pa motibu di trabou. E otro titularnan di Gobiernu i Parlamento di Kòrsou presente durante di e akto ofisial tabata, minister di SOAW sr. Hensley Koeiman i Presidente di Parlemento sr. William Millerson.

Sra. Angelica Parris tabata maestro di seremonia pa e evento den presensia di invitadonan spesial i medionan di prensa.

Presidente di SER den funshon, sr. John Jacobs, a hasi un presentashon ku e título “De kracht van het overleg” miéntras ku Direktor/Sekretario General sr. Raul Henriquez a hasi un presentashon titulá: “De SER: Deskundig, Onafhankelijk en Verbindend”. E Presidente den funshon despues a lansa e logo i e website nobo (www.ser.cw). E parti ofisial di e selebrashon a wòrdu klousurá ku un mensahe di video di Sekretario General i Direktor di SER Ulanda, sra. Veronique Timmerhuis, titulá “Toekomst van het werk en sociale dialoog”. Tabata tin tambe un bunita presentashonnan di obranan kreativo di alumnonan di Römerschool i un obra spesial di Kurá di Arte, nan tur relatá na e tema sentral.

 

Share